Author Information
قلبي مهوش قدك .. عبدالله عبداللطيف
Folder:
من الشعر الغنائي جرحتني .. إنت وقلبك
عذبتني .. ياما ف حبك
أنا قلبي والله مهوش قدك
غرقت قلبي ف بحورك
ومشاعري صبحت ملك إيديك
قلبي أسير داخل سورك
والدنيا بتشوفها لي عينيك
والروح خلاص سكنت عندك
أنا قلبي والله مهوش قدك
سكة هواك سكة طويلة
وقلت رايح للجنه
قلبي معاك وأنا ولا حيلة
غير إني أعشق وأتمني
ع الحلو والمر بعاهدك
أنا قلبي والله مهوش قدك
وتاخدني وتجيبني الأفكار
ليه بس جرحك وعذابك
أنا قلبي واضح بلا أسرار
عذبته ياما بغيابك
وقلبي لسه علي وعدك
أنا قلبي والله مهوش قدك
سمعتني ف الحب كلام
عرفتني لونه وشكله
عيشتني جو الأحلام
لا أنا قد حبك ومشاكله
وحارمني أرتوي من شهدك
أنا قلبي والله مهوش قدك
