Author Information
خلاص نسيت
Folder:
من الشعر الغنائي ما تسأليش عن إللي فات
خلاص نسيت كل الآهات
والليالي .. والذكريات
إنتي قلبك .. إللي مات
بحاول أبدأ من جديد
مهما يكون أملي بعيد
مهما كان حلمي عنيد
أنا حلمي جوايا نشيد
خلاص نسيت كل اللي فات
دا إنتي قلبك إللي مات
عارف طريق ومشواري
ولا بخبي ولا بداري
بكره راسمه في أفكاري
بغني أملي ف أشعاري
خلاص نسيت كل اللي فات
دا إنتي قلبك إللي مات
إياكي فكراني بقاسي
ولا الندم خد إحساسي
ودموعي مليت كراس
وأهجر حبايبي وأفوت ناسي
أنا قلبي لساه بريء
خطوته عارفه الطريق
الأمل جواه بريق
إنتي خسرتي كل شيء
قلبك إنتي إللي مات
ما تسأليش عن إللي فات
