Author Information
فدائية .. عبدالله عبداللطيف
Folder:
أغنيات للوطن مهداة إلي روح الشهيدة سناء محيدلي
ولو إني معرفش الخوف
ولا قلتش أبدا يا سكات
وتملي بلاقيني ملهوف
أجري وأشارك ف مظاهرات
وإنتفاضات
وأهتف وأصرخ
حريات .. حريات
مع إني بقول اللأ
للظلم .. وآي للحق
طول عمري أنده بالثوره
وأحلم يا بلدنا ببكره
يرجع المجد إللي فات
حريات حريات
فلاحين بلدنا
فلسطين بلدنا
قضيتي
أبدا ما ترجع بسمتي
ولا يهنا يوم ف دنيتي
إلا إن قامت دولتي
وناخد بتار اللي مات
حريات حريات
ولما روحك يا سناء
صعدت لرب السماء
حسيت بالضآله
برغم الكهاله
الكلام ف الحلق مات
صحيتي فيا اللي مات
بكلامي ضيعت القضيه
وإنتي صحيتي القضيه
فدائيه
فدائيه
الحل
رصاصه وبندقيه
فدائيه .. فدائيه
