Author Information
سكة هروب
Folder:
قصائد بالعامية المصرية
علي أي موجة
إطرح شراعك
يا قلبي .. م التجديف
تعب دراعك
وأكتب بدمعك
كتاب وداعك
وكل اللي عليك ..
يا دوب .. يا دوب
تغتال مشاعرك
وتتوه جوه الدروب
في أي سكة للهروب
مليت .. تعب .. الحياه
وعشقت لإستسلام
رشقت في قلبي الآه
وهرب مني الكلام
ملعونة كل الظروف
ملعون يا داء الخوف
لما تجبرني
أكون غيري
وأنكرك يا حب
وإنت لي معروف
ملعونة لما تحرمني
حتي الخجل
ورعشة .. تملكني
ف لحظة وجل
تتكسر مرايتي
وأشوفني غريب
بيقضي ساعاته
مستني الأجل
