Author Information
أغنية حب .. عبدالله عبداللطيف
Folder:
أغنيات للوطن بحبك يا بلدي
شريفه وحره
يا غاليه يا طاهره
يا شاربه وصابره
يا شاربه المرار
ولادك كتار
وحتما هييجي
ف بكره النهار
بحبك وحبك
ف عقلي نضال
ف قلبي جمال
وأشد الرحال
لحبك يا بلدي
أدور ف الكفور
وألف النجوع
وحبك ف قلبي
يا بدر البدور
بشقي وأجوع
وحبك يا بلدي
ينور شموع
تنور طريقي
وحبك رفيقي
ف رحلة نضالي
ومهما أشوف
لإني بحبك
راح أفضل أشوف
وبرضه أحبك
يا دمي ف عروقي
يا شمسي وشروقي
نضالي وطريقي
ف حبك يا بلدي
يا بلدي يا طاهره
يا شاربه وصابره
يا شاربه المرار
ولادك كتار
وحالفين يجيبوا
خيوط النهار
بحبك يابلدي
