Author Information
إياك تروح .. عبدالله عبداللطيف
Folder:
من الشعر الغنائي
إلا الرحيل .. إلا الفراق
مش حمل لحظة إشتياق
إلا الوداع .. إلا البعاد
ما تفوتش قلبي للسهاد
يدوب .. يتوه .. مني يضيع
ويدبل الحلم البديع
إياك تروح ......
وتسيبني أعيش ويا الجروح
عمري عشته بالمحبة في خشوع
عمري كله كنت بكره الخضوع
إلا حبك إللي خدني وإحتواني
وإمتلكني وإلتقيت وياه أماني
خدت قلبي معاك في رحلة
كل يوم .. أيامي تحلي
إياك تروح ............
وتسيبني أعيش ويا الجروح
عشقت صوتك .. وحكاياتك
عشقت حتي ساعات سكاتك
عمري كله داب ف ذاتك
والحياه صبحت حياتك
دا إنت روحي ونن عيني
إنت بين قلبي وبيني
إياك تروح .........
وتسيبني أعيش ويا الجروح
الوداع معناه ... مواتي
يا عذابي يا طول آهاتي
أيوا برفض أودعك
مهما تقول مش هسمعك
مقدرش أعيش إلا بهواك
بعيش .. وبتنفس هواك
إياك تروح ..............
وتسيبني أعيش ويا الجروح
