Author Information
لحن الخلود .. عبدالله عبداللطيف
Folder:
أغنيات للوطن يا تاريخي من زمن الجدود
مرة فكرت أهاجر
وأخطي عتبة الحدود
قلت أرحل
يكفي إني قتيل ف عشقك
والمقابل كان صدود
قلبي والع من حنيني
داب في حبك
وإعتراه الشرود
وإنت قلبك تلج جامد
لأ .. وأستاذ ف البرود
بس قلبي لسه رافض
يتنقل من جنب قلبك
الليالي الصعبة علمتني
التحمل والصمود
بص ف عيوني تلاقي
دمعتين راسمين وطن
فوق الخدود
ونبضتين جوا قلبي
بيكملوا لحن الخلود
