Author Information
صندوق القلب
Folder:
أغاني
وفتحت صندوق القلب
دوّر على الماضي
لقيتك ريحه باقيه
ومتعشّقه غراضي
وذكرى عمر عشتو معك
كيف ضاع عالفاضي
يندهلي ويقلّي ارجعي
وينساك مو راضي
...
وبقلب صندوق البكي
كان الفرح غفيان
مكاتيب ما بعتّا الك
ضلّت بلا عنوان
صوره بتجمعنا سوا
وكيف بهتت الألوان
ومنديل لوّحلك نسي
أنك جفا وحرمان
...
يا قلب آخرتا معك
مقضّا الوقت تنهيد
بتبكي ودمعك ما طفي
جمرات ماضي بعيد
حلّك بقا تنساه
ما تضلّ ذكرو تعيد
وتعيش هالعمر ال بقي
كرمال حب جديد
