Author Information
عيد الحب
Folder:
قصة حب
بكرا بعيد الحب
لما الناس يكونو
ببعضن ملهيين
بالأحمر المشتاق
يتلاقو العشاق
كلّن تنين تنين
بقميصي المزهّر
وحدي أنا رح انطر
عا مقعد الحنين
*
يمكن قلب شارد
متلي عمرو ماواعد
وهربت منو سنين
يقعد جنبي صدفه
لهفه تناجي لهفه
تنين منسيين
قلك كتير نطرتك
تقلّي انا متلك
تشتّي الدني ياسمين
*
بكرا بعيد الحب
لو طالت النطره
الناس الأجو راجعين
رح ضمك بخيالي
واهدي انا حالي
عيونك الحلوين
وكلما حكو عيوني
اضحك لو يسألوني
مينو حبيبك مين
