Author Information
ما بيسوا هيك
Folder:
عبور بنفسجي
تهدّا يا قلبي وعلى مهلك
ما بيسوا هيك
دقاتك صارت بتخوّف
وقلقانه عليك
ان كنّك هيك رح تبقا
بتدوب حنيه ورقّه
واللمسة منو ما بتلقا
رح ارجع اقسا من جديد
وفيي خبيك
وسكّر كل باب بِ بالك
وسد شبابيك
وجوات ضلوعي خليك
وأتحكم فيك
***
ياما قلتلك لا تخاطر
حبو مو لعبه
اشواقو من تلج ونار
و دروبو صعبه
رح تبقا بأوهامو معلّق
بتقضي عمرك عم تغرق
وبتضل الاعزار بتخلق
ويمكن ع حبالو تتمرجح
ل تطول الكزبه
ويا خوفي عليك تتعزب
والله يا قلبي
لا تفيدك بِ حبو طيبه
ولا تنفع توبه
***
وفكرتك عاقل وبتعرف
شو رح تتوجع
وانو مسكين اللي بيعشق
مو قادر يرجع
بيضيع عمرو عالفاضي
كل همو حبيبو يراضي
محكوم وشو قاسي القاضي
لا حرقة آه بتشفعلو
ولا دمعو بينفع
تقلي مكتوب ع جبيني
بشباكو اوقع
وحدو اللي بتشوفو عيوني
وغيرو ما بسمع
***
تحمّل إذا فيك تتحمل
يا قلبي الحب
قدر ومكتوب ع جبينك
ما منو مهرب
ما عاد دقاتك حاسب
ولا يوم شوقك رح عاتب
لو شفتك بغرامو دايب
وهالعقل نقطه ب بحرك
يا جنون القلب
خليك ماشي على كيفك
لآخر هالدرب
وهالعمر ال منعيشو مرّه
نعيشو بالحب
