Author Information
نقيلي اسم
Folder:
أغاني
#نقيلي_اسم
نقّيلي اسم بيلبقلي
تا شوف لما بتشتقلي
كيف شفافك صارو يصلّو
وكيف عيونك عم تندهلي
نقّيلي اسمي على ذوقك
وتوصّا منيح بحروفو
حمّلهن يا حبي شوقك
لَ بإسمي حكايتنا يشوفو
خلّي معناه بوسع البحر
وبلون هالسما الزرقا
لما تناديني يفوح العطر
ويخضرّ الأصفر بالورقه
أنا بدي اسم بيشبهني
وبيشبه هالعشق بدمّي
متل خيالي يخبّر عني
ومافي غيري تسمّى بإسمي
شو رأيك أنا آخد اسمك
ولما تناديني "نحنا" نردّ
يا "نحنا" .. يا مراية حلمك
يا عطر اللون.. وصوت الورد
