Author Information
قلبي صبي مقهور
Folder:
دندنة
قلبي صبي مقهورْ
وانتي الأميره الساكنه
بِ قصر مسحورْ
مرصود عن كل عين
وعالي عليي السورْ
ما بكزّب الأحلام
قالت ب ليله عاصفه
رح التقي بالنورْ
ومن يومها قلبي
ريشه بْ مهبّ الريح
اتقلّب على ناري
رغيف عَ التنّورْ
***
موعود انا بشمسك
وفي كم اشاره
بشّرو فيكي
ومن يومها
برمت الدني كلا
عم دوّر عليكي
قالو المهر غالي
خلّي قلبك طفل
بيكبر ع ايديكي
وبعدني بقلب الحلم
بفتح سما بسكر سما
صلّي لعينيكي
***
يا هالأميره الساكنه
جوا الحلم من عمر
بِ برجك العاجي
خايف انا اكبر
وحلم المدى يصغر
بيكفي بعد.. حاجه
قومي انزلي نوزّع
انتي وانا هالحب
ع قلوب محتاجه
***
