Author Information
حنين
Folder:
عبور بنفسجي
قديش يا قلبي سوا كبرنا
ومرقو علينا سنين
بعدك متل ما انت
محبوس جوا الشوق
ومعجون بالحنين
من صوبهن ما وصلتك أخبار
يا هالترى نسيوك
ولا متلك قلوبهن ع نار
ولا بغيرك اليوم ملهيين
عم اسألك يا قلب
ودمعك ب صدري جواب
والآه تفضح لوعتك
وعينك على هالباب
ومهما وجوه بتحضر
ومعها الفرح والحب
وجّك بيبقا صوبهن
مسافر عا درب الغياب
يا حبّن.. ال بعدو
بسمة أمل مرسومه بكتابك
يا ريحتُن .. ما اطيبا
بعدا بروحي عالقه
وبطية تيابك
يا كل ذكرى عشتها معهن
بحسا كإنها اليوم
هَودي اللي كانوا وبقيو أحبابك
