Author Information
من وحي مسرحية المحطة
Folder:
دندنة
#مسرحية_المحطّة_للرحابنة
"ورده" صبيه خْيالا خَيل
عم يركد والحلم يطول
حلمت انّو نهار جديد
رح يطلع من بعد الليل
حلمت بمْحطّه وترين
جايي ما بتعرف من وين
وقعدت تنطر انو يوصل
بضيْعه ضيِّعتا السنين
حلما بلّش صوتو يعلا
سمعت فيه الضيعه واهلا
ناس تصدّق ناس تكذّب
ناس تتاجر بحلما الأحلا
ولما الوهم بيبقا خلاص
لا تلومو عالوهم الناس
صارو يشترو التذاكر
بالأرض ال كلا يباس
فجأة صفير ترين وجايي
واصل من قلب الحكايه
الحلم تحقق و بالمحطه
الناس تسافر وسفرا غايه
و "ورده" وحدا ما فيها تسافر
على حظّا خلصو التذاكر
اخدو الحلم وفلّو فيه
و بالمحطه قلبا ناطر
ثناء
3/10/2020
