Author Information
يا بلاد
Folder:
دندنة
يا بلاد مندوره
للحزن والالام
يا عيون مقهوره
ع دمعتا بتنام
بتوعا على جروحا
من سالف الايام
ومعشش بروحا
انو فرحها حرام
زرعا حصاد النار
خيرا يا حلم وطار
ويا طول ما صبرت
صبرا طلع صبّار
وولادها ال كبرو
ماتوا وصارو خبار
والدم جرّ الدم
والحبل ع الجرّار
وحروب بعدا حروب
ما كان وجعها يفل
كنّو البلا مكتوب
نتفة أمل ما ضل
ولوين بدها تروح
الدولار رب الكل
بتكذب على حالا
بلكي السلم بيحلّ
ولو ما بقي غير قلب
مآمن ببكرا
رح ضل غني حب
وارسم دني خضرا
يمكن شي باب ودرب
تفتحهن الفكره
وطير المحبه يرف
ويبشر بنورا
