Author Information
لولو وصدفه
Folder:
عبور بنفسجي
- بوسي ايدك وش وضهر
اللي صِدفه هيك عرفتيني
كنتي صَدفه بقلب البحر
شفتي حالك.. ونكرتيني
- طالعت اللولو اللي فيي
وحطيتو بمتحف آثارك
و حبست الضو الل طالع
بخزانة عتمة افكارك
- رح ارجع ارمي هالصدفه
هونيك ببحر الاهمال
ما بيلبق لصغيره متلك
تتغاوى بسحر ودلال
- صار اللولو عندك ويل
رجعني سر بهالبحر
هوّي بيي ال مالو مثيل
نقطة.. ومن اول هالسطر
13/9/2019
10:35
-
