Author Information
وشم
Folder:
دندنة
#أغاني
مبارح عَ بيتك جيت
بإيدين من قهر وزعل
بواب الرجا دقيت
لا يا حلو ال حبَّيت
ماجيت لَ قلك تعا
نرجع سوا.. ويا رَيت
بدي أنا اسمي
بالنار وشمت حلمي
ع ايدك وصِلّيت
لا قادره أنساه
وكفّي حياتي بلاه
ولا فيك اسمي محيت
***
وسمعت اسمي كيف بكي
ومتل اللي بدو يشتكي
لما فتحت الباب
دغري حروفو دمّعو
ما عاد ايدك توسعو
اللي حَبْستو بغياب
كيف لك قلب عم توجُعو
وتنكر عمر عشتو معو
وتهجر بلا أسباب
هادا الاسم حبي أنا
حبك وهم.. غدر وضنا
قلبك طلع كزّاب
***
ورجعت وحدي بْلا اسم
ضيعتو على مفرق حلم
صوتي وجع تنهيد
ما عاد بعدك شي مهم
كل لون عم شوفو عتم
والفرح عني بعيد
اسأل بدمعات الندم
معقول رح تحفر وشم
متلو ع تاني ايد
يصير الجلد دفتر ظلم
ماحَسّ بِ نار الألم
مع كل اسم جديد
