Author Information
اول ما حبينا
Folder:
سرب يمام
اول ما حبينا
كلشي كان منيح
انا طاير عقلي
وانتا فوق الريح
عيوني هالصغار
سميتن نجمين
وعيوبك الكتار
ما شافتهن عين
وبعد ما تجوزنا
ع انو تسرعنا
ابتدا التلميح
صرت تشوف الطيبه
بساطه وتهوّر
وثقتك انا شوفا
غرور وتكبّر
وهيك شويه شويه
صارت الغنيه
اني بلش أبكي
وانتا عليي تصيح
وهات يا تجريح
تجي نرجع مْ الاول
عشاق مْجانين
نرسم عالحيطان
حروف مع قلبين
ونضحك ع هالدنيي
بشوية حرية
وكلشي فينا يزهّر
ويبلش تفتيح
والشوق مْراجيح
