Author Information
بيهرهرو
Folder:
قصة حب
بيهرهرو متل الورق
عَ الدرب
متل الحروف ال مالقت
مين يحفظا بكتاب
متل الوجوه ال ضيعت وجّا
تصحّي مواويل العتب
تنام بْ تخت الغياب
ليش تا اجو
و عكّرو مي النبع
بدعساتهن ..
و رشّو الحكي فوقو
شوية رمل و تراب
وقالو النبع كذاب
كان العمر
من قبلهن صافي
والقلب متعوّد على الوحده
لا شهقة وجع بالليل
ولا غصة قلب محروق
ولا دمع عم يبل المخدّه
مرقو وقالو هون رح نبقا
حلفو باسم الروح
وشهودهن نسمه وقصيده
وساقيه وورده
تاري الوفا من ريش
ولو طار
بيترك محلو غيوم مسودّه
