PostPoems Be Artistic. Be Creative. Be Inspired!

من يوم علقت وحبيتو

كل الاشيا إلها قيمه

حتى شالي اللي طيّرتو

رفّ جناح .. وشتّا غيمه

وبسأل حالي وهوّي سألتو

كيف شفتو بِ صحوي حلمي

بوقف بتمرّا بعيونو

ما بعرف شو اللي حلّاني

عيونو ما بعمرن بيخونو

مهما غيرت بألواني

وانا حتى بنسياني بصونو

يا ريتو فيهن ينساني

مهلك يا حب على قلبي

صاير طاير ما بيتهدّا

مو قادر احساسو يخبّي

ولا بدّو هالنعمه يردّا

وان قالولك انك كزبه

قلن كزبي الاصدق عندا

ما بعرف شو بيعمل فيي

لما بنظره عيونو يطلّو

وبلمسة ايدو لإيديي

قلبي ما بيبقا بْ مَحلّو

والكلمه منو هي هيي

حلم نطرتو عمري كلو