Author Information
حورية
Folder:
سرب يمام
حب.. حاء وباء
"الحاء".. حورية بحر
بال مي فردت شعرها
ترقص مع الموجات
وترندح مواويلها
مره .. و كان الزمن سكران
و الأزرق بحر وسما
حاجب الألوان
شافت شط
من بعيد عم يوميلها
مادد بساطو الأحمدي
و أخضر حلو
بالشوق بيناديلها
سبحت .. بلهفة قلب
تا وصلت إلو
و رفقاتها يبكو :
" يا خطيتا .. يا ويلها
راحت ضحية
هالأخضر الفتان
والتمن كان ديلها"
ماكان هاك الشط
الا حرف "الباء"
ضم الحقيقة بغمرتو
يغمزلها
انو ع هالقصة
من عمر ناويلها
