Author Information
لصوص المناصب
Folder:
دندنة
#لصوص_المناصب
و يا حرام.. هالحرامي
اللي شفتو مبارح بمْنامي
يا الله شو تمو كبير
وبطنو اكبر من أوهامي
عم يبلع كلشي قدامو
ولما بحاول اني فيق
بيغني يا ريما نامي
برجع شوفو بلع النبعه
و الغابه ال جنبا والضيعه
ونقرش حتى حجار القلعه
وبيصلّي يا رب الكون
تقبّل مني طول صيامي
عم بيغصّ بعمله صعبه
وجسمو مشرّي بحَبّ الكذبه
خطيه بتيابو متخبّي
وبيكسّر من خوفو قلامي
بس اوعا من نوم الغفله
رح اكتب للقصه قفله
يجرب يبلع عدل الدوله
و الشوكه ال وقفت بِ حلقو
رح ترسم درب القيامه
