Author Information
لو اطلعتم على الغيب
Folder:
أوراق سافرة
أوراق سافرة
اني استنكر افعال المتدينين ما بيعني اني ما شوف قديش في حكمة بمتل هالقول مثلا :
"لو اطلعتم على الغيب لاخترتم الواقع"
او الآية اللي طلعتلي وانا عم حاول خمن من باب الفضول امر ما .." ان تستفتحوا فقد جاءكم الفتح و ان تنتهوا فهو خير لكم "
ما بدي اعرف الغيب .. لأن المعرفة مؤلمة كتير .. ما بدي اقرا كف ولا فنجان ولا اضرب بالمندل لأعرف اذا اولادي رح ينسعدو ولا لأ.
او لأعرف مين بيكرهني و مين بيحسدني و مين .. و مين.
طريق معرفة الغيب طريق خطر و بتتداخل فيه الحقيقة بالتضليل.
اذا كان اللي عم يصير مكتوب فما رح فينا نغير من لعبة القدر شي
واذا كان الغيب عم ينكتب .. فكيف فينا نعرف وين الاحسن.
يا قلب سكر كتاب الغيب وارجع لتسليمك القديم .. و تذكر انو الجهل نعمة.
