Author Information
ثورة
Folder:
دندنة
#ثورة_العراق
لما الشارع مرّه يثور
ويعلا صوتو هالمقهور
و تشلح عنها ملاية عتم
الشمس اللي غرقت بالنوم
ل تشعشع نور وبخّور
ولما الروح تصير جناح
و تشرب دمّا القاني راح
وتكتب فيه الحق سطور
ولما الراس..
يعلا.. يعلا
ويبطل يبقا مداس
للجبّه .. و أرباب القبّه
و للماسك هالقدر بإيدو
ل يبيعو بالعمله الصعبه
انتو انتو
وين ما كنتو
حتما رح يجيكو الدور
ولما العفريت المحبوس
بِ قلب القمقم رح يطلع
ليعلّم هالكون دروس
قللي المدفع شو رح ينفع
ولا تنسو كارما الأيام
انتو بعدن
هالشهدا اللي توضّو بدمن
حتما رح يجيكو الدور
