Author Information
نطرتك عالباب
Folder:
دندنة
انطرتك عالباب
بلكي بتجبر هالخاطر
من بعد غياب
يرجع طيرك المسافر
برم الدولاب
و الناطر بعدو ناطر
لا مرّه تاب
و عا جرحو شو بيكابر
و عا حرف السور
شلح الزنبق مستنّا
يحاكي المنتور
يقللو ايمتا يقطفنا
فراشات النور
ما عادت رشفت منا
جايينا الدور
ندبل بِ بعدو عنا
مبارح بكير
وقعت ريشه من العالي
شكرا يا طير
رح ارسم فيها الغالي
يا وجه الخير
حالك شو بيشبه بحالي
الوجوه كتير
و وجهو وحدو اللي قبالي
