Author Information
يا عالم
Folder:
قراءات
يا عالم أبكم أصمّ
هادا اللي عم ينزف دم
مو شوية شراب التوت
وهادي ال عم بتولول أم
مو وحده بِ قلب الفيلم
عم تندب ابنا ال بيموت
يا ريت ال غرقان بحلم
و نايم على ريشات السلم
مرّه على صحوتنا يفوت
يشوف كيف راكبنا الهم
بيعرفنا حتى بالإسم
و مفصّل للحزن تخوت
حلّا تفلّ سنين العتم
و نفهم معنى صلة الرحم
اللي صارت موت و تابوت
هالأرض المشتاقه ل ضم
ما بتستاهل قهر و ظلم
و الشاهد شيطان سكوت
