Author Information
شو كان بدو يقول
Folder:
دندنة
شو كان بدّو يقول
شو كان بدّو يقول
لما مرق جنبي
عيونو ما بتخبّي
وقفو ع رفّ العين
شربو متل طيرين
حنّو على وردي
الدبلان عا خدّي
وبلّشو بنزول
ومتل ال كأني ارض
وهوي شتي ناطر
تمنيت حكيو يطول
******************
شو كان بدّو يقول
لما لمس كتفي
مع آه فلتانه
من رجفة الشفّه
وصوت الهوى المبلول
كان بدي اندهلو
صوتي رجع كلو
وما كان يوصلّو
معقول لما غاب
غاب الحكي معقول؟!
********************
و رجعت بالنظره
ال علقت على وجّي
تدفي برد بكرا
وعد وامل ناطر
بخيط الوقت مغزول
عمري غناني حب
يا ريتها تقدّيه
مالي فضا هالقلب
ومشغول فكري فيه
صبح ومسا مشغول
و بمحطة الذكرى
عم انطر ال بكرا
و شو هم لو قالو :
كبرتي على النطره
وشو هم لو قالو :
ترين الشتي عَ وصول
