ولاد الوعد

Folder: 
دندنة

 

 

كان الوعد لاقيك

من زمان كتير

صبيه بعمر البدر

بكير عالنبعه


مرّو سنين العمر

و حفاف هالستين

صدفه تلاقينا

بليلة الجمعه


ضحكنا سوا تخمين

ومن دون وعي

وايدي بحضن ايدك

كيف كرجت الدمعه


لا لمتك ولا انت

من حرقتك عاتبت

وشوشوتني وغمزت :

ما ختيرت يا حب

بعيونك اللمعه


و تطلعت عولاد

وقفو معك بالحفل

بيناتهن في بنت

اسما على اسمي

بس بفكر اوعا


هيدا الفرح الها

وحبيبا ناطرها

و انتا بقلب هالأب

تبوّس جبين القمر

وتبارك الشمعه

 

 

View thanaa_darwish's Full Portfolio