Author Information
حقّك عليي
Folder:
دندنة
شو عاد بدك يا قلب فيي
ورطتني بالحب
وجايي تقلي حقّك عليي
ليكون فكرك
نضعف من جديد
ونبدا سوا حكايات منهيه
أو ترجع تغني
نفس موالك
و ينكسر لحنك بآهات مكويه
يا قلب آخرتا معك
ما كنت توعا
ولا كان غدر يعلمك
كيف عالهدا
عم تحفر الدمعه
وكيف الهجر خلّاك
دروب منسيه
لا أنت قلبي
ولا الصدر صدري
رح اشلعك منو
ودور على غيري
ان رجعت تسأل
أو تشعل بهالليل
قناديل مضويه
تاري القلب أطرش
خطيه و أعمى كمان
لا بيسمع ويقشع
وحتى مو ندمان
كلما لوحلو الهوى
بيجنّ من شوقو
و بيرجع يقللي
حقك عليي
