Author Information
اكتبني عالدفتر .. اهلك
Folder:
قصة حب
كيف ناطر مني قلك
اني كتير اشتقتلك
وانتا يوم ورا يوم
لا بالصحو ولا بالنوم
ما بتبعت حتا ظلك
وين مكاتيب العشاق
و كيف اصفرّو هالوراق
تقللي اللي بيسمع بالحب
مش متل اللي شاف وداق
ياما طرت وياما عليت
احلم إني اوصلّك
و الورد اللي زرعتو هون
حتى عطرو يملّي الكون
صوتي ناي وروحي آي
الحق هالقلب المجنون
ال ما عاد مطيّر عقلك
كنت تسمّيني جلنار
جناحاتا من نور و نار
تاري كذباتك الوان
و شو صدّق قلبي و شو طار
وعمّر القصور بغزْلك
لا تصدّق هيدي الكذبه
جيب المحبس بالعلبه
انت الكل و انت الاصل
وانت الفصل وانت الوصل
كتبني عالدفتر.. أهلك
