Author Information
حمل الحطب
Folder:
قراءات
رح اسبقك عالحقل
جيبي الزوّادي
و حسبي حساب الطير
هودي متل ما بتعرفي.. ولادي
و لبسي عباية قصب
هديتها الك من عمر
ناطره ترفرف ..
عا قامتك يا حب
تا يعتلي الوادي
رح اسبقك انطر
بعرزالنا الأخضر
عندي حكي و أشواق
عمر الشقا قديش
عليهن قسي او ضاق
وو جّعهن زيادي
و فردي شعر التلج
للشمس تتبورد
و سوّدي عيونك
بكحل ال نسيكي سنين
رح اسقي يباس التّم
من مبسمي النادي
رح اسبقك يا حلم
لا تتأخري عليي
و أجّلي شو قلت
ناطرك حمل الحطب
و ما بيخلف العادي
25/6/2019
