Author Information
شاعر وقصيدة
Folder:
أغاني
#شاعر_وقصيده
ما أبدعا
الورده القصيده
ال فتّحو خدودا
على صدر العشق
وما أروعا
قلبا متل شي طير
باس الندي والنور
و بجناحو خفق
وما أطوعا
لما سقاها دمعتو
ماست مع هبوب الهوا
و الكون ع عشقا اجتلق
شو مطلعا؟
تخمين ناسي
كيف كاين مطلعا
ما دام من ضلعا انخلق
عم يسمعا
ما مرّ خاطر بالسما
إلّا ونادتلو تعا
حوّش من عطوري طبق
و عم يقشعا
متل الأميره بطلّتا
ويا ريحتا
بتقول كون من الحبق
"لا تطمّعا"
قدّيش قالولو "اردعا
رح تملكك
ويصير حكمك من ورق"
بدّو معا
يكفّي العمر ما يودّعا
حلوه القصيده
ال ما انخزقت بلحظة نزق
ما بضيّعا
قلّن.. بقلبي موضعا
مهما انكتب بعدا حكي
الأولى بمضمار السبق
