Author Information
دقيت ع صدر الدفا
Folder:
أغاني
دقّيت عَ صدر الدّفا
ال شعشع حجر ياقوتْ
فكري أنّو تسمحيلي فوتْ
هربان من ظلم البشر
وبلكي البرد بِ غيبتي
بيختير وبيموتْ
طارو عصافير الغفا
وما كان قصدي فزّعُنْ
متلن أنا.. عشّي اختفى
وصيّاد ناطرنا سوا
من نهشنا لا ما اكتفا
وعايشْ عَ هدمْ بيوتْ
ما بيشتهي غير ظلمنا
ما بيشتهي
غير لحمنا مع حلمنا
لَ جوعتو شي قوتْ
لا تحرمي العصفورْ
يعشّش ب قلب النّورْ
ويعيش فيه..
وفيه يحلا الموتْ
