بياع

Folder: 
أغاني

 

 

 

بتتذكّري

لما طلّيتي من البلكون

وصوتك نْاداني:

 انتْ يا بيّاع


نسيت شو اسمي

وما ذكرت

الا بإنّو 

صرلي بفنون لْبياعه باع


وايدِك عم تخبّر 

شو نطرت صرلي سنين:

يا الله قوام 

دغري لعندي طلاع


وطلعت 

مو شايف انا الدرجات

وشّك فَرَش هالكون 

وبعدو كون

وقال الحلا 

ما بظن فيه يساع


وقبل ما تنقّي 

من حملي شو يللي عاجبك

قلتلك بحبك

معليش تشتري قلبي

ولو بربع ليره 

أو شي تلت رباع


ويا ضحكتك من يومها 

بتحكي عن جنوني لولادنا 

و كيف العمله تغيّرت

وشو تبدّلت أوضاع


وبقيت الصبي العشقان

عمرو ما كان

بغير قلبك يوم طمّاع


View thana-darwish's Full Portfolio