Author Information
جميله
Folder:
أغاني باللهجة المصرية
#أغاني
يا دي النيلهْ
ل ايمتا فاكرني
قليلة الحيلهْ
مع انو لو كان "شمشون"
أنا برضو أُمّاً عن جدّه
ابقا "دليله"
وآخر المتمّه يزعّقلي
يا وليّه اتلمّي و تعالي
يا وليّه غوري من وشّي
مع انو اسمي واللهِ
من يوم يومي ..
اسمي "جميله"
انا فاكره يوم اللي خطبني
قال نفسو يبقالو عيله
وخيالي صوّرلي العيله
لمّة حنّيه ومحبّه
وحيطه بالدنيا دي الصعبه
أتاري العيله يشوفني عاله
شغلانتي أخلّف و أربّي
ل سلامتو ابقالو وسيله
ولو يوم يخطرلي أقول لأا
ال لأا نهايتها شْتيمه
وجلاجل يمّا وهلّيله
ماشي يا سي السيد انا ماشيه
ما تجوزشي جوازه بالعافيه
ولعلمك انا كنت بزاكر
حتى لما اقلك حاضر
وعَلامي هوّا ال ينفعني
وح تشوف جميله اللي تجمِّل
الدنيا عشان بنت أصيله
