Author Information
جلنار
Folder:
أغاني
#جلنار
خلص الحكي جلنار
و لا بعد في غمار
سلّات تطفح بالفرح
موال عمرو ما انجرح
و قلوب مرجحها الهوا
لما اعتلت قوس القزح
و كان العمر مشوار
*
خلص الحكي جلنار
و لا الحكي نوّار
بيغمض عيونو المسا
بيفتحن النهار
و شموع نورا ما انطفا
و عيون الله بيعرفا
بالحب والإيثار
*
والقلب ضايع بالورد
عم يسأل زرار الوعد
شو قصتا جلنارْ
يمكن اجا لونا النقي
من خمرة العشق ال بقي
ومن دم الأطهارْ
ويمكن يا رمان الوقت
ساكن ب وردا ع السكت
مخبّي العطر ب جرار
جلنار اسما من الأزلْ
جلنار من بعد وقبل
هيي شمس النهار
