Author Information
لما الوجع
Folder:
أغاني
لمّا الوجع
كل مادا يزيد يزيد
وجرعة الأمل اللي كانت
زي إبره في الوريد
تسكّن الآهات شويّه
ف نوبة الألم المديد
ما بقتش تنفع أو تفيد
لما الوساده عليك تسود
تحكمك وتبقا ليها
زي عبد من العبيد
كل ليله اللي حصلك
حته حته
تقراه وبودنك تعيد
لما انتا عاوز تبدا تاني
نفسك تغيّر حياتك
وتمشي خطوه من جديد
وألف طوبه في طريقك
وألف سدّ يعلّو ليك
وكل واحد يبقا سيد
ولما سامحت اللي خانك
عشان روحك اصلاً عظيمه
وشفتو خاين للضمير
وبرضو بيخون الوجود
وسمعت النكته القديمه
ان الهبل مالوش دوا
والسماح ضعف وبرود
ولما.. لما..
قالو ليك الدنيا قسمه
وسرقو حقك في الحياه
يا ابني اسكت
كل صرخة وكل آه
قايده نار
وح يقولو نارك الفتنه تقيد
نارك الفتنه تقيد
