Author Information
ورد
Folder:
أغاني
مين اللي بيحط الورد
كلما طل الصبح
وبيتركو ع الباب
بيدق بروس صابيعو
وبيختفي متل الحلم
ع درب الغياب
مين اللي حبو ورد
مين اللي شوقو ورد
وبعطري قلبو داب
....
جربت كم مره
من دقتو اكشف
واعرف هوي مين
ال كفو متل غيمة سحر
بتمرق على عمري
يصير الشتي ياسمين
وشو خفت افتحلو
ما شوف غير ظلو
وما لاقي هالايدين
ويروح ما يرجع
وتنطفي اللهفه
ما اعرف دربو وين
......
لو يوم حد الباب
شي صبح بكير
صدفه قابلتوه
لا تخبروني مين
بخاف الخبر يسري
ويمكن اذا كشفتوه
يضيع الورد مني
ومايضل في شي انطرو
سري اللي فضحتوه
