كلهم يا بحر كانو بيشتكولك
وانتا كنت بتشتكيلي
كلهم رميو بحضنك
همهم و دموع عينيهم
وانتا ملحك كان دليلي
ياما حكيتلي عينيك
شوقك لنهر الحياة
اللي جاري و قلتلي
حكايتي نقطة
تشكلت منها سيولي
ياما وصلتني آهاتك
ياما وشوشني سكاتك
ان قلبي شط لولي
كلهم يا بحر
فضفضو عندك شجن
نادوك : يااااا جبار ارحم
يللي بتبلع كل حاجه
و لما تفيض تبقا عامل
زي مولانا الزمن
تاخد فرحنا و حزننا
تنسى حكاوي عمرنا
و نفضل نسميك الوطن
إلا معايا
كنت يا جبار ساكت
و انتا بتروي على لساني
حكاية البنت اللي ماتت
و بالمحبة فيا عاشت
واقفة بترغي و ترغي
و موجك يطلع درر
لولا عشقي ما كنتش بانت
صرنا يا بحر الهوى
أنا و انتا واحد
هيهات يقولو
مهما السنين عدت و فاتت
ان الجميلة
عشقت البحر و خانت