Author Information
بعت نفسي واشتريتك
Folder:
أغاني باللهجة المصرية
بعت نفسي واشتريتك
سبت روحي تبقا بيتك
ومن ظنوني ال جوا قلبي
ياما ياااااما زمان داريتك
بس انتا ما تستاهلش
ازاي تعيش بألف وش
ده الخيانه لونها اسود
ونا ببياضي كنت جيتك
الخيانه مش بس انك
لزوم تعاشر اي وحده
والامانه مش بس ترفض
انك تبيع وطنك بفايده
الخيانه تبرر الفعل الحرام
وتزيّف الحق بكلام
وعلى المخده مرتاح تنام
ازاي بس قادره تحملك المخدّه
جرح قلبي بعيد عنك
منو أكيد لازم اطيب
واوعدك انساك وتبقى
ماضي عن روحي غريب
حتى الأمل برضو بيقسا
لو في يوم مره يخيب
والطيبه عين مفتّحه
مش قلب عن عقلو يغيب
