Author Information
وطني
Folder:
أغاني
مع أنّو حزنك ساكنّي
رح اضحكلك
ولعيونك رح ابقا غنّي
مع انّو الماضي سارقني
رح احلم انّك يا وطني
بعدك طفل
وع دراج ال بكرا ناطرني
مع انّو ما تركو منّك
الا صوره تخبّر عنّك
رح ابقا ارسم بِ صوتي
مجدك عالي وعزك غالي
واهلك فيك نجوم تلالي
وبيوتن روض من الجنه
***********************
اغمرني.. اغمرني
اغمرني..
خبيني ب قلبك خبيني
ليزهر عمري وسنيني
يا شهقة هالفجر الطالع
يا شوق الوعد ال مستنّي
مندوره لعيونك شمعه
و كرمالك صوتي بيغني
**********************
غفّيني بحضنك
وانساني
ولو مرة دمعك وعّاني
وشتّا ع رسمي وألواني
رح خلّي هالحلم حكايه
وغنّيلك عن فرحه جايي
عن صيف وشمسو المضويه
عن وطن بخيرو مستغني
