Author Information
ما كان قصدي
Folder:
أغاني
#ماكان_قصدي
ما كان قصدي قلّك بحبِّك
سامحيني.. كنت متلبَّك
متل الطفل ضايع
ولاقا مرا عم تسألو
وينهن أهلَك
ما قدرت فرّق بين
كلمة بحبك
وبين محتجلِك
مافي عزر بعرف
وكيف فيه يفهم هالقلب
لو يقتنع عقلِك
وسكتي ما نطقتي حرف
دموعك حكت قبلك
وشو جرّحت فيي
وشو قسيت عليي
وهيي عم تصلّي
الله يسهلّك
يا ريت ما اسألتي الطفل
كيف ضيع دروبو
يا ريت ما كنتي حضن
من غربتو يجيبو
يا ريت قلتي عا مهل
بكير بعد عليه
يفكر بأنك انتي مطلوبو
سامحيني.. ما قدرت حبك
و لا تكرهيني
بقضي العمر عم اشحد الغفران
من سما قلبك
