Author Information
حقا قام
Folder:
دندنة
رغم المرض ورغم الجوع
والقهر وحرقة الدموع
والآه ال جوا الضلوع
جايي يسوع
يسوع الفكره.. الموضوع
يسوع الكلمه.. الشموع
اللي فينا بتولد بتعيش
بتتربى وبيصرلا ريش
لتطير بصوتا المسموع
جايي يسوع
حلّا هالأرض تتطهر
من شر الناس
وهالحب وحدو اللي يعمر
يرقّي الاحساس
من الدم اللي شبعت منو
يفضا هالكاس
يسوع مو نعلّق صوره
نقملا القدّاس
يسوع ما يبقا فينا
طفل موجوع
مبارح بِ نومي حلمتو
جايي هالعيد
يدفّي كل طفل متشرّد
بِ توب جديد
قلي الميلاد رح يبدا
لو كل النيران بتهدا
والايد بصدق النوايا
تصافح هالايد
وقتا بيكون للشمس
اكيد طلوع
