Author Information
بياع الحليب
Folder:
دندنة
فتحت الباب
فكري بياع الحليب
شعري سارح
من يوم اللي فلتّو مبارح
ودبلانه وبعدا بعيوني
غيمات الحزن المجنونه
وجرح بقلبي ما بيطيب
ولو فكّرتو انو طاب
فتحت الباب
وقلبي والله عم بيقول
مغيّر هالدقّه البيّاع
ومبكّر عليي شوي
يمكن لهيكي مخجول
صبّحتو ودغري قلتلو
رح دوّر عَ واعه تساع
وادعيلو يبقا شباب
ومدري كيف رفعت عيوني
لقيتك راجع بعد غياب
شهقت ويمكن حتى الجاره
سمعتني وقالت بِ سرّا
طول عمرا رفيقتها الوحده
تاري في عندا احباب
ومخبّايه جوّا تياب
نسيت العمر اللي استناك
نسيت النطره ع الشباك
ما تذكّرت الا عيونك
مزروعه جوا بعروقي
وصوتك وهوي يقلّي روقي
وفقت من حلمي بلاك
انطر بيّاع الحليب
حتى يدقّ عليي الباب
