Author Information
خليك
Folder:
دندنة
#أغاني
خلّيك
بقلبي انا خلّيك
بفتحلك شبابيك
تشمّ الهوا .. والضوّ
يصبّح على عِينيك
قهوه وموسيقا وبنت
بعدا بعمر عشرين
عم ترقص حواليك
ولو تعبت شويي
تهدا على ايدِيك
وان نعست عيونك
رح نيّمك عالورد
مرجوحتك بسمه
وغطّيك بالنسمه
ما في ب قلبي برد
وما لك بقلبي شريك
خلّيك
بقلبي ما تسمع لُوم
ما بتوصلك اخبار
بِ هالدني شو صار
وما في عتم وهموم
جنة سلام ونور
وطيور تناغي زهور
بحر وسما ونجوم
والموج رسايل حب
ما بين بعد وقرب
والشطّ حضن محروم
وصوتي نغم ساري
طيّب ب قلبي النوم
يا ريت حلمي يدوم
