Author Information
يا حب اوعا تروح
Folder:
دندنة
ياحب اوعا تروح
ومن دنيتي تمشي
قلبي متل ريشه
منك ما بدو شي
بيكفيه انو حاسسك
ومتل الهوا بيتنفسك
ودغري بتضحكلي السما
لو تضحك بوشّي
وان كان بدك
تترك ال يهواك
يا حب بترجاك
عطيني وقت انساك
اتعود غيابك
وسكّرهن بوابك
انسى ايامي معك
وعمري أنا وياك
عطيني وقت اذكر
ولنّو ولو مره
زعلتني فيها
وبكيتني من القهر
بلكي اذا بلاقي
بقلبي زعل باقي
بقدر انا انساك
وامحي رسايل عطر
وانسى صابيعك
شو تغلغلو بشعري
انسى انا عيونك
كيف عششو بصدري
بمحي دفا الضمة
واللمسه والكلمة
بس كيف يا عمري
بمحي معك حلمي؟
يا حب ما بدي شي
خليك متل البدر
نورو يونّسني
بقربو الدني جنه
انت المدى المفتوح
ولو تبتعد عني
روحي معك بتروح
والفرح يتركني
