Author Information
بعرف انا انو لبيتك درب
Folder:
دندنة
بعرف أنا
إنّو لبيتك درب
ما بيمرّ من عنّا
عن جد انت بتحبّ؟!
وكيف مابتبرم هالأرض كلّا
كرمال تتصبّح
بريحة الياسمين
من جنينتنا؟!
بعرف انا
قدّيش شغلك صعب
وشو سارقك منّا
معقول انت بتحبّ؟!
وليش وشّي ما بيصير
فاتحة النهار
والدنيي تفتحلك
بواب الرزق كلا
من خير شوفتنا؟!
شوف الفرق بيناتنا
فرق المشاعر
ما بين تلج ونار
سميتن انا عمري
وعندك بقو
شوية حروف صغار
ويمكن يجينا يوم
تقول حتى الحب
ما في الو معنى
