Author Information
صبيه عاديه
Folder:
دندنة
#أغاني
بتذكر بالسهريه
كيف راقصت الكل
الا انا كنت
بعيونك عاديه
لا حمره ع خدودي
ولا بانت ورودي
وع مقعد بعيد
صبيه منسيه
وشو تعلّقت فيك
بس قلبي ما قلّك
او حاول يبعتلك
حبّو جوّا هديه
والغيره تحرقني
ومن حالي تسرقني
وما شافت عيونك
كيف ملكت روحي
وكيف سَيطرت عليي
ولما شوقي زاد
لبست التوب الناري
ورنّة كعبي العالي
تفضح كل سراري
وجنّنت اللي حضرو
بالضحكه المضويه
وعيونك عم تسأل
مينا هي البنت
ال ما شفتا من قبل
معنا بأيّا حفل
كأنها جنيّه
تاري حتى الحب
بدو لون وصوت
وبسكوتو بيموت
وما بتهمّو النيّه
