Author Information
اكذوب عليي
Folder:
دندنة
كذوب عليي
قلي انو بكرا احلا
واحلامي ممكن اوصلّا
وشموس الجايي مضويّه
كذوب عليي
خلّي الكذب حروفو تزهّر
ويدوب بقلبي هالسكّر
ومتل الميّه يغلغل فيي
وعدني بدنية خير ونور
لا جوع .. لا ظلم وقهر
لا بإيدو يحصدنا الشر
و سمانا زرقا وعاليّه
قلّي جاي وقت نشوف
كلشي فينا صار نضيف
نهدي ورده بدل السيف
و تحضنّا كلمه دافيّه
كذبك بعرف انو سراب
بس الصدق ضفر وناب
قراني شعر بقلب كتاب
واكتبني حكايه منسيّه
