Author Information
اختلاف
Folder:
دندنة
كان بيحبّ اللون الازرق
وكنت بحبّ الوردي
كان بيحبّ يطلع برّا
كل يوم بمطرح بالسهره
لكن عكسو انا كان بدّي
يبقى جوّا البيت وحدّي
كان بيتابع الأخبار
ليل نهار
وكان يرعبني جنون النار
خيالاتي دفتر اشعار
وحلمي الدنيي تبقا جنّه
يدفّيني حتى بِ بردي
يعني كنّا مختلفين
صوتو عالي وطبعي حزين
لكن كان بيحبني كتير
من عيوني بيشوف النور
وانا غيرو بهالدنيي كلا
ما كان عندي
لما الحب يزهّر فينا
ويوحّد بين القلوب
ما بيبقا شمال ولا جنوب
جهة الحب بتكفّينا
ببقا حياتك وانتا سعدي
مو ضروري انك تشبهني
وما تخالفني
ولا لازم نسخة كربون
تبقى عني
شوف غيوم السما كيف
مختلفه وما بتاخد موقف
ولولا اختلفت
ما غطّى هالعشب الارض
وفاحت ورده
